ရှင်သန်စိတ်

ရှင်သန်စိတ်ဆိုတာဟာ ဘာလဲလို့ မေးရင် ရုတ်တရက်တော့ ဖြေရခက်ပါလိမ့်မယ်။ ရှင်သန်စိတ်ဆိုတာ ဘာပါလဲ။ ရှင်သန်စိတ်ဆိုတာ ကိုယ်ကိုယ်တိုင်ရှင်သန်ဖို့ အတွက် လုံလောက်တဲ့ အကြောင်းအရင်းပါ။ အဲဒီအကြောင်းအရင်းဆိုတာဟာလည်း လောကကြီးမှာ ကိုယ့်ဟာ နေရာတစ်ခုအတွက် ၊ တစ်စုံတစ်ယောက်အတွက် လိုအပ်တယ်ဆိုတဲ့ အခြေခံစိတ်ကစပါတယ်။
.
တစ်ခါတလေမှာ လူတွေဟာ ရှင်သန်စိတ်ပျောက်ကြပါတယ်။ လောကကြီးမှာ ငြီးငွေ့စိတ်ဝင်တတ်ပါတယ်။ ဒါကြောင့်ကိုယ့်ကိုယ်ကို ဂရုမစိုက်ဘဲ လေလွင့်ပေတေနေတတ်ကြပါတယ်။ ဒါဟာ ဘာကြောင့်များလဲ။
.
လောကကြီးမှာ ကိုယ်ဟာ အသုံးမဝင်ဘူးလို့ ကိုယ့်ကိုယ်ကိုယူဆတယ်။ 
ကိုယ့်ကို ဘယ်သူကမှ မလိုအပ်ဘူးဆိုတဲ့ စိတ်မျိုးဝင်လာတယ်။ အဲဒီလိုစိတ်အခြေအနေတွေကြောင့်ပဲ ရှင်သန်စိတ်ဟာ ပျောက်ဆုံးရပါတော့တယ်။ 
.
အထူးသဖြင့် တစ်စုံတစ်ယောက်ရဲ့ ပစ်ပယ်ခြင်းကို ခံလိုက်ရတာမျိုး။ နေရာတစ်ခုကနေ ဖယ်ထုတ်ခံလိုက်ရတာမျိုးစတဲ့
လောကဓံ (၈) ပါးထဲက တစ်ပါးပါးရဲ့ တိုက်ခိုက်မှုကို စိတ်နှလုံးက နာကျင်စွာခံစားရတဲ့ အခါမျိုးတွေမှာပေါ့။
.
အဲဒီအတွက် နာကျင်စိတ်နဲ့အတူ သိမ်ငယ်စိတ်ဝင်လာတယ်။ ဘဝလမ်းကြောင်းပေါ်တည့်မတ်စွာလျှောက်နေကြတာကနေ လေလွင့်မှုလမ်းသွယ်တွေထဲဝင်ပြီး စိတ်ဟာ မှောင်ရိပ်မှာခိုနားတတ်ကြတယ်။
.
တကယ့်တကယ်တမ်းတော့ ရှင်သန်နေတဲ့ လူတစ်ယောက်အတွက် လောကကြီးက အမြဲလိုအပ်နေပါတယ်။ စိတ်အမှောင်ကျခြင်းကြောင့် တွေးမိတဲ့ "ငါ့ကိုဘယ်သူကမှ မလိုအပ်ဘူး" ဆိုတဲ့အတွေး တွေးလိုက်မိပြီဆိုရင်တော့ "ငါ့ကိုလိုအပ်နေတဲ့သူတွေ ဒီလောကကြီးရဲ့ တစ်နေရာတိုင်းမှာ ရှိတယ်။" ဆိုတဲ့ အတွေးကို ပြင်တွေးလိုက်ဖို့ပါပဲ။ အဲဒီအခါ ရှင်သန်စိတ်ဟာ ပြန်လည်နိုးကြားလာမယ်။ ဘဝသစ်ပင်ဟာ ပြန်လည်စိမ်းလန်းလာမယ်။
.
သင့်ကို ဘယ်သူကမှ မလိုအပ်ဘူးလို့ တွေးမိတဲ့စိတ်ဟာ အမှောင်စိတ်ပါ။ အဲဒီအမှောင်စိတ်ရဲ့ တစ်ဘက်ခြမ်းမှာတော့ သင့်ကိုလိုအပ်တဲ့ တစ်စုံတစ်ယောက်၊ တစ်စုံတရာဟာ အမြဲလှပစွာရှိနေပါတယ်။ 
.
ရှင်သန်စိတ်နဲ့တွေးကြည့်ပါ။ ရှင်သန်ခြင်းဟာ ကိုယ်ကိုယ်တိုင်အတွက်မဟုတ်ရင်တောင် အနည်းဆုံးအခြားလိုအပ်နေတဲ့ တစ်စုံတစ်ယောက်အတွက် လိုအပ်ချက်အနည်းငယ်ကို ဖြည့်ဆည်းပေးနိုင်ပါတယ်။
.
သင်ဟာ တစ်စုံတစ်ယောက်ရဲ့ စွန့်လွှတ်ခြင်းကို ခံခဲ့ရတယ်ဆိုပါစို့။ သင့်ရဲ့ မေတ္တာဟာ တစ်စုံတစ်ယောက်အပေါ်မှာ မသက်ရောက်နိုင်ဘူးဆိုပါစို့။ ဒါပေမယ့်လည်း သင့်ရဲ့မေတ္တာ၊ သင့်ရဲ့ဂရုစိုက်မှု၊ သင့်ရဲ့တန်ဖိုး၊ သင့်ရဲ့ကိုယ်ရည်ကိုယ်သွေး နဲ့ အကြင်နာစသည်ဖြင့်တွေကို လိုအပ်တဲ့သူ တစ်ယောက်ယောက်ကတော့ ဟောဒီကမ္ဘာကြီးပေါ်မှာရှိနေပါသေးတယ်။ 
.
ရှင်သန်စိတ်မွေးပါ။ အနည်းဆုံးတော့ သင့်ရဲ့အကြင်နာကို လိုအပ်နေတဲ့ ကလေးငယ်တစ်ယောက်တော့ သင့်ဘေးနားမှာရှိနေနိုင်ပါသေးတယ်။ သင်ဟာ တစ်ကောင်ကြွက် တစ်မျက်နှာလား? ဒါဆိုရင်လည်း သင့်ကိုလိုအပ်မယ့်သူတွေရှိနေနိုင်ပါသေးတယ်။ ဘယ်လိုလူတွေများလဲ။ အဲဒါကတော့ ပရဟိတအဖွဲ့တွေ ၊ လူမှုရေးအသင်းအဖွဲ့တွေက သင့်ရဲ့ အကျိုးဆောင်မှုကို လိုအပ်နေပါသေးတယ်။ 
.
ဘုရားစေတီ ၊ ဘာသာရေးဆိုင်ရာနေရာတွေ စသည်ဖြင့် တနေရာရာမှာ စုဖွဲ့ပြီး ပရဟိတလုပ်နေတဲ့ အသင်းအဖွဲ့တွေ၊ တံမြက်စည်းလှည်းနေတဲ့ လူတွေဆီက တံမြက်စည်းတစ်ချောင်းလှမ်းယူလိုက်ပါ။ သင့်ရဲ့လက်ဆီကို သင့်နှလုံးသားထဲက အမှိုက်တွေ ရှင်းထုတ်နိုင်မယ့် တန်ဖိုးရှိတဲ့ တံမြက်စည်းတစ်ချောင်းလှမ်းပေးပါလိမ့်မယ်။ အဲဒီအခါ သင့်နှလုံးသားဟာ သန့်ရှင်းသွားမယ်။ ပြီးတော့ ရှင်သန်စိတ်ဟာ တန်ဖိုးရှိရှိနဲ့ စိမ်းလန်းစိုပြည်လာပါလိမ့်မယ်။ ရှင်သန်စိတ်ကို မွေးပါ။ သင့်ကို လိုအပ်တဲ့တစ်နေရာရာ အမြဲရှိနေပါတယ်။

.ကျော်ညိုသွေး

Credit To : Kyaw Nyo Thway